Á þessari mynd má sjá Gísla taka við verðlaunum frá Sigurði Hallmarssyni á Granavelli 1986. Gísli er á Víði frá Víðivöllum. Víðir var kosinn glæsilegasti hestur mótsins og vann B-flokk gæðinga. Víðir var Júpíterssonur, hágengur og viljugur. Júpíter var undan Sörla frá Sauðárkróki og Venus frá Reykjum.

Gísli sýndi Víði í B-flokki á Landsmótinu 1986 og varð í 20 sæti. Hesturinn var seldur eftir mót til Noregs og keppti meðal annars á heimsmeistaramóti þar sem hann lenti í verðlaunasæti.

Víðir lónseraður á Höfðanum með gamla laginu

Í dag fórum við upp á Mývatn til að taka þátt í hópreið sem þar fór fram á vegum Þjálfa. Riðið var frá Selinu í Hrútey. Það er skemmst frá því að segja að veðrið var frábært, um 4°C hiti og ísinn var góður. Ég gat því miður ekki tekið með stóru myndavélina mína heldur varð ég að taka myndirnar á símann. Ég reið henni Berglind og Gísli var á Hraunari. Var met mæting og voru um 40-50 manns.


Sverrir Karlsson fararstjóri og Gísli


Við komuna í Hrútey


Boðið var upp á heitt kakó og smurt brauð


Berglind, Einar og Hraunar