Höfðahestar Húsavík

Ófeigur er fyrsta folald Urðar. Ófeigur er undan Náttfarasyni úr Garði í Aðaldal. Ófeigur var gríðarlega stór og léttbyggður með fallegt brjóst og háls. Jón Árni Sigfússon úr Vogum frumtamdi hann. Ófeigur sýndi fljótlega tölt með miklum hreyfingum. Gísli þjálfaði svo Ófeig á sjötta vetur og var það skemmtilegt verkefni sökum þess hve gaman var að sitja á honum. Ófeigur kom fram á fjórðungsmóti á Vindheimamelum 1993 og lenti þar í öðru sæti. Hann vakti gríðarlega athygli á mótinu fyrir útlit og fas á tölti. Ófeigur slasaðist því miður á fæti á áttunda ári og var felldur tveim árum síðar.